買雜誌

每日都有新雜誌出，
就算同類型既，
都有幾本。
百花齊放，
都可以算係幾好既現像。

我其實冇買雜誌既習慣，
可能冇咁既耐性坐定定睇。
睇一兩頁可能就唔睇，
咁就浪費左一本雜誌。

不過有時，
見到封面既標題，
都會有衝動買返黎睇。
昨日就買左本喇。

呢期既封面寫既係：
「拍片 DC 日攝夜影大競賽」

被呢個標題吸引，
完全因為呢期搜集緊 DC 仔既資料。

叉開少少話題，
早前睇電影電車男。
因為愛馬仕最買一部手提電腦，
所以電車男就周圍幫佢搜集資料。
睇到呢段我好感動，
想效法。

剛好最近有人想買 DC，
咁我梗係自告奮勇找資料。
暫時我定既準則係：
1. 一部數碼相機（廢話）
2. 可以拍 Video
3. 影相質素高
4. 容易操作
5. 傻瓜機得黎，又有得做高階些少既設定以備不時之需
6. 叉滿電可以用得耐
4. video 拍幾分鐘就可以，
不過當然愈長愈好。
理論上應該 MPEG4 先做到我要求。

經過一輪既努力，
我發覺……
冇野係完美既，
部部機梗有 d 缺憾……
接落黎，
就要睇我點取捨……

講返轉頭，
買左個本雜誌，
d Information 對我係……冇用既