決定外遊

夜晚上堂，
又係傳紙寫名既時間。
每逢每一期既最後幾堂，
又會傳張紙，
上面寫左下一期個班既資料，
如果你係打算繼續讀既，
咁就係上面寫返個名。
咁就大約可以預到夠唔夠人開班，
如果唔夠，
就會 Delay。
今次有八九個人寫左名，
換句話說，
唔計街外人，
都應該夠人開班。

好感恩，
下一期個時間按排得如此的好，
下一期的最後一堂，
亦即係考試個堂係 16/6，
剛好我 18 號應該係短周，
咁我就可以拿個長假去旅行。

最美妙既地方係，
再下一期叫做研究班，
日經係規定由日本人教，
咁即係一定要換老師。
即然換老師，
亦唔急於 21/6 即刻上堂。
我同毛同學講左話會等一個星期。

雖然等一個星期未必即刻再有班上，
但人總要有取捨的。
以前我會被上堂困死，
現在我學識時間的按排。
難得所有野都再次夾得咁完美，
我沒有理由浪費佢的，
不是嗎？

正式開始儲錢買機票，
爆氣！

---

今日見到馬智，
確定左佢係返黎長住。
佢地守七年守到了，
唔知我又係咪守得到呢？
唔經唔覺，
原來都兩年幾了……
不過好似仲有起碼七年幾……