A、B、C 餐都冇

好緊張呀，
明天就飛喇，
都好耐冇坐過長途機。

如果講短途機，
最近個次應該前年，
（已係過左咁耐）
坐飛機個台北旅行。

如果係長途機，
就要數到大學一年級剛剛開學，
去土耳比賽個次。
坐左十幾個鐘飛機去法蘭克福轉機。

今次飛去 LA，
都係要坐十二、三個鐘機。
去程唔錯，
香港時間下午四點幾起飛，
洛杉機時間同日下午兩點幾到步。
但係回程就差少少喇，
洛杉機時間同日夜晚十點半起飛，
香港時間兩日後晨早六點幾到步。

---

今日放工返到屋企，
冇野食，
結果落左樓下「至尊」食。
叫中式午餐 B，
賣晒 wor，
叫我轉第二樣，
咁中式午餐 C 啦。
轉個頭同我講，
原來 A、B、C 都賣晒，
食西式啦。
不過西式係豬扒蛋飯，
我駛唔駛係度食呀？

夜晚好忙碌咁執行李，
又睇埋紐卡素對利物浦，
順手又打埋機，
結果四點幾先訓。