夜照青馬

因為太累太累既關係，
訓到十一點幾先醒，
本來想打電話既行動亦因此擱置。
點零鐘出左尖沙咀，
原本想上天文台開放日，
不過一黎都幾多人排隊，
二黎班影友又唔黎，
所以都冇上到去。
係東英行左一陣，
收到影友電話話出旺角，
咁我就坐車落去 Join 佢地。
臨上車先發覺唔記得帶 Octopus。

落到旺角，
原來佢地有人想買 O2 Mini，
不過行晒成條西洋菜南街咁多間電器鋪都冇現貨。
跟住佢地話上青馬影相，
但係我又冇帶腳架 Wor，
結果我就返屋企拿腳架，
再去青衣城 Join 佢地。

係青衣城坐巴士上長宏村，
沿寮肚路向上行，
係路尾開始入山，
跟住行上青欣山。
四點幾五點上到去，
係青欣山山頂影完一輪相，
跟住再去其他點影。
總共去左三個點，
有之前既山頂，
有冇路落去既山咀，
有穿過鐵絲網，
行到最近青馬大橋既崖頂。

一路影到八點幾九點先走，
返落青衣城之後，
係大家樂食我既晚餐，
最後十一點先返到屋企。
唉，
又冇時間執 Anaheim d 相喇。


返到屋企，
一開門就激死我，
隻狗咬爛左我個污衣袋，
好彩 d 衫褲冇咬爛。