睇 AV

呢幾日早訓左，
不過好似訓得冇咁好。
以往十二點零一點訓，
一訓訓到第二朝七點。
呢兩日未夠十二點就訓，
反而夜晚醒左兩次。


今日發生左件好攪笑既事。
咁 Earphone 咪通常用耳綿既，
咁話說我個 Earphon 個耳綿近排經常甩，
咁今朝坐完小巴發覺右耳個 Earphone 甩左個耳綿。
返到公司入洗間，
洗完手係塊鏡到見到隻右耳點解黑左一達既？
一摸先發覺個耳綿留左係隻耳度。


夜晚本來想去練跑，
點知放工見到落大雨 Wor。
結果就返左屋企食飯，
食完飯行出奧海城，
一個人睇左戲，
彭浩翔套 AV，
套戲好好笑，
尤其是詹瑞文 Solo 個幾場。


有段幾攪笑，
話說佢地去申請青少年自雇基金，
咁就一個個輪住講佢地申請基金黎做咩。
個段真係笑死我。


忙左，
少左去睇戲，
除左上星期五同 Alex 睇左擊情之外，
都好耐冇入場。
黎近都有幾套想睇，
星期五同大學同學去睇「哈爾移動城堡」，
睇下幾時搵日去睇埋「精武家庭」。