時差

今日係返黎香港之後既第一個工作天，
因為 jet lag 既關係，
中午食完飯已經開始眼訓。
兩點既時候，
同事已經見我雙眼滿佈紅根。
帶左兩份手信，
牛肉乾畀 Workshop 班女工，
朱古力就放茶水間。

過美國之前，
託過網友係韓國訂條相機頸帶。
其實上星期三已經到貨，
不過我當時係美國，
咁返到黎自然聯絡佢取貨啦。
約左佢七點係旺角等，
點知佢六點九打黎話佢要遲少少，
咁我就上旺電行下先。
七點三交收完，
我就行返屋企。

Check 下 d 未接來電，
原來迪哥中午打過電話黎，
問接力賽佢個隊應該叫咩名。
因為找唔到我，
佢就寫左青蛙二隊落去。
咪一早話左佢知叫 Frog 1，
同我爭二隊個名都唔緊要，
都睇清楚張 Form丫，
人地叫你填英文隊名，
你唔係填中文呀？
真係激死。

返到屋企，
媽媽話過 Auntie 到打邊爐，
問我去唔去。
我本來都想去，
不過咁眼訓，
都係唔過去喇。
早 d 食完飯，
早 d 訓覺好過啦。