遊科學館

今朝一早去左科學館，
中學之後，
好似都冇去個科學館。
最後一次去，
冇記錯係中六去聯校科學展擺 Booth，
當時既 Topic 係電子野外定向，
時至今日，
電子控制卡已經廣泛用於定向比賽了。

今次去參觀，
買左張 Weekly Pass，
除了可以入科學館外，
仲可以入科學館個特別展覽、
香港歷史博物館、
太空館等。

今期個特別展覽，
係關於基因革命。
老實講，
我講得好差，
因為太多字，
塊塊展版都係二百幾字。
睇咁多字，
我不如買本書睇好過啦。

中午過左海睇男人之虎，
呢套舞台劇好多粗俗用語，
其中有段甚至係連爆粗口 Tim。
雖然係咁，
但係好好睇。
詹瑞文真係扮邊個似個，
笑位不絕。
不過比起萬世歌王，
我都係鍾意萬世歌王多 d。

夜晚去左睇黑拳，
好大部份都係 Sell 吳京打打打。
個結果好驚喜，
特然間扭一扭，
出個咁既結果，
真係估佢唔到。