大菜糕

中秋節正日，
難得地有得放早，
四點就走得了。
有人話要買裝 CD 既野，
咁就出左旺角。

唔知係咪大家都放早呢？
好塞車，
尤其是係德福對出個段……

買完之後落佐敦食野。
行花園街去太子坐車，
途經一間賣咖哩魚旦既鋪頭。
有一條排到要轉彎入橫巷既人龍，
真係咁好食？
因時間關係，
有試到。

落到佐敦，
咪住先，
佐敦都有商務，
要買既野佐敦都有，
點解咁豬要先出旺角？

更豬既係，
我地發覺專登落佐敦食野個間野，
因為中秋關係，
提早休息……

結果，
去左對面食壽司。
唔係話唔好食既，
不過元氣會好食 d 既。

坐迴轉壽司枱，
開頭冇乜野食，
以為因為客少關係。
到坐滿，
一樣係咁……

攪笑係其中一碟三文魚壽司，
上面有一塊半透明既野，
賣貴三蚊。
以為係 d 咩咁特別啦，
咬落口，
大菜糕？