汗流挾背

今晚放工後去左青衣打籃球，
一個冇空調既室內場。
個球場係長發村，
其實好近青衣城，
之但係因為一黎落雨，
二黎全部人都唔識行去，
結果就坐的士喇。

一上車轉完第一個彎，
司機就指住前面話：
「呢度咪係 lor」
但係因為唔可以右轉，
所以要繞少少路，
不過都係冇跳錶。

不過最攪笑個司機話，
其實好近，
行去都得架，
不過講出黎又話驚被人告拒載……


講返個籃球場，
冇空轉既室內場，
係仲慘過打街場。
打街場都話有 d 風，
室內場係冇風既，
結果就好似焗桑拿咁，
勁熱。

好彩個更衣室都叫見得下人，
有冷熱水沖涼，
又清潔企理，
好過打開個街場多多聲。


沖涼有四格，
最攪笑係有人入左最尾個格之後，
先大叫冇得鎖。
之後說：
「呢格冇水既，
扭極個制都冇水出。」

而事實係，
轉自係調較冷熱，
個水制係按落去先有水出既……