新翼

今朝返左崇拜。
斜路封左好耐，
平時係斜路旁新樓既樓梯上，
今日連個邊都唔行得，
結果再繞遠 d，
係新翼（即係以前沙地）上。
其實到現在我都唔知新翼係做乜，
當然新翼呢個名係我坐啦。
得三層，
地下一樓、地下二樓同地下三樓。

地下三樓連住操場，
地下一樓冇上過去，
地下二樓一出就係 G 座圖書館旁樓梯落那處。
沒有牆，得幾條柱，
完全唔知起黎做乜。

講返大門口，
由入大門口個刻開始，
每廿零三十步就有人同你講早晨，
攪到我都有 d 唔好意思。
今日係青少年事工主日，
所以都有好多青少年返。

崇拜既 Style 亦更年青化，
非常之唔慣。

崇拜之後有愛筵，
不過我份人極之怕同人交談，
所以都係唔參與。

明天係袁先生生日，
完左崇拜之後，
打畀佢打算找佢食飯啦，
點知冇人聽。
結果返左屋企。

睇完女排（中國對巴西），
同超級工商杯（香港對美國加州亞美體育會之後），
睡了個午睡。

原本 Plan 左執相同做 Gym，
結果兩樣都冇做……

---

夜晚睇電視，
睇到迪士尼個廣告好攪笑。
好多迪士尼人物駕車去香港迪士尼，
不過全部都係左軚車……