今朝死喇。
話說我訓覺會開住收音機,
一醒就聽到商台謝西嘉個節目。
佢個節目係九點先開始,
亦即係我已經遲到。
望一望個錶,
仲敝,
已經十點三。
拿拿臨傘都唔拿就出門口,
望望銀包,
得果九十蚊。
記得好似六十蚊就得,
不過都係唔放心,
冒雨跑出吳松街間銀行拿錢,
之後飛的返公司。
十點五十分返到公司,
老闆已經返到,
仲打緊內線畀我同事,
問有冇見過我,
會唔會攪錯長短週。
個電話都未講完,
就見到我返黎喇。
但係奇就奇在,
佢又冇捉我入房照肺,
又冇出 Warning Letter。
Anyway,
今日我點半左右肚餓得濟走左,
欠佢個兩粒鐘,
慢慢還啦。
黃昏去睇中醫時,
碰到細牛。
佢都去完美國返黎,
24 號出發,
玩左兩個星期有多,
我都好想玩咁耐。
No comments:
Post a Comment