又中伏

呢排食緊中藥，
但呢 d 中藥唔係以前三碗水煲成兩碗水個隻，
而係已經磨成粉，
用開水沖個隻。

咁一日一包粉分兩次食，
好多時我都帶埋返公司食。
昨日食完頭半，
放返落背囊。
夜晚返到屋企拿返出黎食既時候，
咦！
點解咁細包架？
唔通朝早開多左？

沖完涼，
始終覺得唔多正常。
打開個背囊伸隻手入去，
敝，成手粉。
拿拿聲拿晒 d 野出黎，
跟住成袋啦。
但係拿 d 隻出黎既時候又唔記得抹抹先，
結果攪到書枱都係。
攪呀抹呀，
整左粒幾鐘先叫做 OK。

d 粉細粒，
有時摸都摸唔到，
唯有靠個鼻黎聞，
聞到有味就再抹下。

今朝坐車返工，
上到車都仍然聞到個股味。
朝計衫褲係第二套，
袋又係第二個，
冇理由有味架。
原來係對 Headphone，
真係頭都大埋，
點清潔呢？

---

大同今次個飯聚，
看來不再是雷聲大，雨點小。
不過睇報名名單，
唔計我有成八個，
仲有 Dada、雯雯、Lapson 同輝輝味報名，
但係我 d 手信得返八份，
其中一個已經畀左，
餘下 11 個人，
點分八份呢？

唔通其中三個要畀 Lego？