星期三練跑

今晚放工出左 SOC 練跑，
連 Michael 到黎埋跑，
愈黎愈多人。
不過因為今日全國賽隊要開會，
所以劉 Sir 同阿健都冇落黎跑。
頭盤係三十分鐘自由跑，
第一個圈因為要帶班新人熟習個圈，
所以跑得好慢，
係近乎 Jog 個隻，
都只係十二分半一個圈。
考試要四十分鐘三個圈，
其實真係唔係好難。
第二個圈用返自己速度，
十分十秒跑完，
第三個圈慢返少少，
跑到四份三時已經三十分鐘，
唯有 Short Cut 返上去。

不過有 d 好盡責跑足三個圈，
但係成三十四、三十五分鐘返黎。
我覺得咁樣訓練唔好。
話明三十分鐘自由跑，
就應該 Target 返可以係三十分鐘連續跑既速度，
目標係跑三個圈（5.4 km），
速度控制又會唔到，
兩種唔同訓練黎既。

之後有個 Star-O，
我 Shadow 其中一個學員，
仲有待磨練。
佢犯左一般人想犯既錯，
就係冇計劃。
除此之外，
路口冇做三個 S（Stop、Set Map、Select），
冇做搜集特徵。
所以中途幾次唔知自己去左邊。
四個 Loop 跟左佢三個，
之後因為時間夠，
所以唔可以繼續。
我收 Point，
收兩個 Loop 時間係七分幾，
有 d 慢。

夜晚食完飯夾錢個陣，
因為心急搶錢找續，
結果倒瀉水，
d 錢濕晒，
真輪盡。