打埋呢鋪

今日原本打算落紅磡睇交流賽，
不過離開公司個時都成七點幾八點，
結果去搵觀塘班機友食飯，
食完都好夜，
所以冇去紅磡。

點解食到咁夜？
咪一個字：「等」 Lor。
話說有個人應該係屋企食左飯先出黎，
咁當大伙兒話去食飯既時候，
佢又話去。
但係當時佢仲打緊機，
話打埋呢鋪先。

有 d 話去拿位先，
咁冇理由全部行晒架麻，
咁我就留低等佢。
不過見佢輸左又唔忿氣，
又入錢再打過，
我就知道，
我中伏了……

結果食完咁夜，
留返係觀塘練兵算數。
近排狀態麻麻，
今日打左成廿鋪，
好似只係贏四五鋪，
咁既狀態，
點去打比賽呀？

Anyway，
比賽就報左，
五月一日下午係觀塘打，
希望到時可以 Tune 返好個人既狀態，
打返場好既比賽。

比賽我唔介意輸，
唔好打得難睇，
輸得難睇，
咁我就心滿意足了……