「英文人」

今日去左幫手攪班，
青衣教人玩定向。
學員黎自兩間學校（一男校一女校），
大既係中四左右，
細既係中一、二。

教學內容，
又或者教既時候發生過咩事，
以前都講過好多次，
今次講下第二 d 野。

兩間都叫名校，
唔知名校學生係咪特別鍾意講英文呢？
佢地對話好多時都夾雜，
甚致係充滿英文。

我承認，
有 d 詞語用英文表達係方便 d。
所以我接受對話中，
有 d 英文單字。
又或者，
整句都係英文都得。

不過，
佢地 d 句子，
真係聽到我好唔舒服。

例如表達「這是一個蘋果。」
如果你話「呢個係蘋果。」、
又或者「呢個係 Apple」、
甚或是「This is a apple」，
都可以理解同接受。

但係佢地會講：
「This is a apple 『lor』」。
好地地，
加個廣東話助語記『lor』落去做乜？
攪到個句子中文唔似中文，
英文又唔似英文，
為乜？