享受

因為有人有露比星期二餐廳既一百蚊折扣卷，
所以今晚去左那度食。
需以扣減了一百蚊，
不過都仍然係好貴，
埋單仲要四佰元。
留這只係叫左一客沙津、一碟意粉同兩杯 Drinks。

入席個時，
侍應問我們申唔申請 VIP 卡。
VIP 卡 $450 三個月有效期。
有效期內，
每次幫趁都有 50% Off。

以今餐價錢為例，
要食兩次半先為到半，
食三次以上先有得平。

三個月食三次星期二餐廳，
係幾重負擔
無論係荷包定體重。

唔係話畀唔起，
不過二百蚊又係一餐，
二十蚊又係一餐，
二十蚊已經醫到肚，
有冇需要用二百蚊呢？

當然，
二百蚊既好食 d（假），
畀多少少去享受，
也不為過。

但係我覺得間唔中一次半次先享受到。
如果你係食慣左，
我又唔覺得咁係享受，
咁樣反而係為洗錢而洗錢。

飯後去睇戲，
今次係 DOA。
改篇自同名格鬥遊戲，
笑位比想像中好，
故事內容同打鬥場面就……
不提也罷。