痛

累積既疲勞終於帶來惡果，
今朝唔知醒返崇拜。
中午終於一嘗所願，
去左 Pizza Hut 食 Lunch，
不過始終食唔到厚批 Pizza ><

之後入赤柱行。
我地選了個最少轉車既方法，
就係火車落紅磡再轉 973。
不過程巴士好慢，
過西隧後，
先繞香港大學到香港仔，
再沿海岸線到赤柱。
計埋火車，
用左兩個鐘先到。

未到總站我地就落車，
呢度起左座商場，
叫赤柱廣場。
不過好明顯就唔夠客，
好多間都話搬遷大減價。

之後去左海事博物館，
二十元入場費，
不過就唔係咁多野睇，
我覺得細個波士頓那個博物館。

之後行左陣市集。
我記得上次黎應該係獅子座流星雨，
同上次黎比，
呢度變左好多，
但又可以話無乜點變。

海邊個幾間酒吧都係咁樣，
市集依舊，
間屈人寺仲係度。

夜晚係美利樓食飯飯，
好飽好好美，
不過個肚好痛 ><

個肚痛完到過鼻痛，
因為撞左埋牆。

鼻痛完到個心痛。

總之就痛痛痛啦……