食

下午油麻地有個比賽睇，
之後夜晚要撲入沙田同人食飯。
個比賽比預期早完，
所以時間比較充裕。
可惜等巴士等左好耐先有車，
結果當然又遲到啦。

曾經想過轉坐火車，
不過好彩冇咁做咋。
因為上到巴士後聽收機，
聽到火炭有人墮軌被火車阻到。
北行線要成二十分鐘先有一班，
如果轉左仲耐呀。

今晚食小籠包，
好好味。
不過北方食物，
大多很辣。
甚麼担担麵、
甚麼醬爆牛展，
總之就辣辣辣啦。

今完飯，
去睇戲。
睇戲之前，
去左買 CD 同食甜品。

買左三隻 CD，
一隻平井堅精選，
一隻 Dear Jean，
另外一隻係崇基、崇德兄弟再加上劉美娟既一隻福音 CD，
埋單 $313。
某人又係買三隻 CD
又係埋單 $313，
有冇咁巧合呀？

甜品食左朱古力募斯蛋糕，
同一杯綠茶乳酪咖啡。
蛋糕好好食，
但係杯咖啡就……