唔打電話架 wor

睇左十日天氣預告，
似乎天氣幾凍下。
我舊年遲半個月去，
只需要穿短袖。
今次就要長袖，
仲要得十度 tim。
我想出動羽絨架，
不過有人話我大陣伏得滯。
咁點 wor，
我一係羽絨、freece，
一係就薄風褸，
冇 d 中間架 wor。

最慘就係，
原本預備晒短袖衫，
而家就要找返晒 D 長袖衫出黎。
除了褸之外，
我最缺乏既就係長袖衫，
仲要係唔厚個隻。

都仲未放 D 衫入去，
個行李箱已經滿左，
點解會咁？

---

呢兩日有兩個人，
問左同一條問題。
「你係咪拍緊拖架？」

一個係全校最八卦既老師，
（我想你唔會反對 XDD）
為左 Update 佢個 Database 而問；
另一個係舊同學，
當佢知道我唔打電話過去之後。

其實我之前日記都有講過，
我好少打電話，
一般都係等「召見」。

何況現家通訊咁方便，
ICQ、E-mail、SMS 都可以係溝通既工具，
唔一定要打電話。