狂通頂

終於到了 Last Day，
返埋今日工就放大假。
放大假之前，
工作上既手尾仲要執埋。
將近放工既時間，
先被同事找到個 Bug，
最慘係 Program 個積架壞左，
改唔到。
結果將個波交畀同事，
我就走人。

老闆夜返到公司，
見到兩部機都唔 Work，
自然打鑼咁找我。
不過我冇時間聽，
因為我李都未執。
點解咁遲先執行李呢？
因為我有 d 更加緊要既野要做。

每次旅行，
我都會影好多相，
而下次旅行，
我就會帶埋晒好左既相去畀人睇。

我好怕被人睇死，
你愈睇死我，
我愈要做到畀你睇。
有人話我今次 d 相一定晒唔切。

結果我星期六、日連開兩晚夜，
執晒 d 相。
星期一拿去晒，
星期二拿返。
再開多兩晚頂將 d 相入晒相簿。

四點先開始執行李，
五點先有得訓……

不過總算做晒 d 野。