班門弄斧

今次住既酒店係 Best Western，
有早餐食，
有運動室，
有泳池，
仲有免費無線上網，
可惜我大部份都用唔到。

今朝首先行華盛頓，
一入閘，
望一望頭頂指示牌，
已經只道係行左邊。
但係大衛就不斷問呢邊對否，
仲罵我望都唔望就行，
個一刻好有衝動各有各遊覽，
反正我又一定唔會迷路，
大衛又咁唔信我……

本來想去白宮先，
不過唔覺意坐多個站。
（其實係我訓著左，唔記得落車）
唔緊要，
行第二度先 lor。
係個公園內，
見到 d 好有趣既野，
影左相，
點知個 Police 話保安理由，
要我地即刻 Delete 左佢。
（雖然我唔明有咩保安理由）

之後去白宮，
大衛話想入白宮睇，
不過人地六點開始排隊，
八點開始派飛，
我地九點半都未出門口，
又點會有飛？
我點解知呢 d Information？
咪就係從大衛話冇用個本 Guide Book Lor。

圍住個白宮行左一個圈之後，
下就去行博物館。
大衛話要帶路，
我也落得清閒。

不過大衛 d 睇圖能力就……
冇咩既，
行錯 90 度，
行多兩個 Block，
再加上特徵誤認。

結果原本夠行三個博物館，
只係行左兩個。

之後落唐人街，
當我選了月台之後，
大衛又質疑我行錯。
咁由佢「玩」 lor，
十分鐘過後，
佢投降，
話睇唔明幅 Metro 圖，
結果返原本個月台，
上前前，
大衛再次質疑我是不對，
在呢一刻，
我只係覺得好笑。