紐約行

今朝一早去左 South Station，
因為要坐車落 New York 玩，
因為星期一係美國公眾假期關係，
Bonnie 都同埋我地一齊落去玩。
有 Bonnie 係度做領航員，
我唔需要睇地圖記路，
（雖則對我黎講係易過食生菜）
自然可以盡情影相盡情玩。

坐成四個鐘頭巴士，
一到步就行去酒店。
都成四五個 Blocks，
話近唔近，
話遠唔遠，
尤其係我呢 d 相機仲重過行李既人，
都幾辛苦架。

安頓好之後，
我地出去食午餐。
原本打算食壽司自助餐，
唔過去到佢個午餐時段都就黎完，
咁就改食晚餐。

出左去周圍行，
途中經過聯合國總部，
影左 d 相。

之後係 Cafe 坐左一陣，
就去食晚飯喇。
今次係自助餐，
唔係放題喔。

食得好飽好飽。
我覺得，
一個包含甜品和生果既自助餐，
先為之一個完滿既自助餐。

食完行 Time Square，
當中有間好大既玩具反斗城，
大到入面有摩天輪玩。

係入面我仲見到好多 Board Game，
包括 A&A，
可惜冇人陪我玩，
唔係我實買。

之後返酒店，
大衛冇啦啦出左去，
原來去買啤酒，
美國 D 啤酒好飲 D 咩？