節奏

早排係紐約，
大衛話佢旅行既理念同我一樣，
我覺得我有所必要澄清。

我話唔需要特別趕，
睇到就睇到，
睇唔到就由佢，
下次去過。

咁只係唔想旅行都趕頭趕命，
但唔代表唔善用時間。

鴨仔團可能用一日用十個鐘去十個景點，
我可能會用十個鐘去六七個景點。
但係我一日都可以去十個景點，
原因係我一日會用十五個鐘。

如果去旅行係多過一個人去，
節奏唔同，
好易出事。

今日十二點退房，
但係我地成十一點幾先離開酒店。
今朝我做左 d 乜呢？
我食左早餐；
沖左涼；
打左兩個鐘頭機，
打到冇電要叉電；
落樓下影左一個鐘頭相。

今日行程係先去睇國會，
跟住坐車落紐約，
再轉車返波士頓，
兩程車都有個 Break，
等大家可以落車買野食，
買野飲。

---

假設由廣華醫院去旺角新世紀廣場，
我會選擇直接行去，
沿途經旺角火車站。
但原來有人會選擇行去旺角地鐵站，
坐地鐵轉火車。
請恕細佬才疏學淺，
想唔明當中既奧妙。
當然呢個故事發生係華盛頓 DC，
換成香港地名等大家易明 D。
但香港始終不同於華盛頓 DC，
地點距離可能有少少出入。

---

我發覺大衛同學真係好鍾意飲啤酒，
唔知係咪同以前唔飲得有關呢？
昨晚又買左一 Pack 六罐返黎。
可惜我唔飲酒，
無緣欣賞。