應唔應該畀佢知？

今日係母親節，
中午約左媽媽飲茶。
飲茶之前，
去左返崇拜。
早幾年，
帶過媽媽返教會一次，
亦都係只此一次。

教會真係咁可怕？
我前年帶另一個人返教會，
又係一次起，
兩次止。
攪到我都唔敢再叫佢。
寧願佢完左崇拜先找我。

約左媽媽點半，
完左崇拜見有 d 時間，
落左新之城操機。
輸多贏少。

飲完茶之後，
返左公司做野。
公司電話響起，
我唔小心聽左。
畀老細知道我返左黎，
咁就敝喇。
佢即刻衝上黎，
我即刻冇安寧既工作。

同事話，
當然要畀佢知你 OT 啦，
如果唔係佢以為你做得好快，
畀更多野你做。
但在我立場，
我寧願佢唔知，
起碼耳根清靜。

收左工，
去觀廣打左陣，
互有勝負。

之後再落新之城挑班高手，
一勝一負。