今日去左食自助餐。
因為 PC 係 OI 表現良好,
(雖則失落了七年既學校大將還未重奪到手)
朱東請一班金獎學生、Trainers 同老師食自助餐。
咁我呢 d 路人甲當然去湊熱鬧啦!
係美麗華食 Lunch 自助餐,
係呢度食既原因,
係因為有好多海鮮,
朱東呢 d 海鮮狂就非常欣喜喇。
同場仲有特別嘉賓 -- 朱東個女。
佢好鍾意食粟米,
因為佢連食幾碟都有大量粟米盤碟,
其中一碟仲整碟都係粟米,
與佢爸爸比較,
簡直係兩個極端。
最攪笑係,
佢同佢爸爸講:
「唔好食咁多,肥死你呀!」
食自助餐,
除非食物質素好差,
如果唔係我係唔會蝕既。
一如以往,
食日都係由頭食到尾。
我首先食沙律,
之後係湯,
熱盤,
最後係雪榚,
仲飲左三杯咖啡(淡左少少)
好似少左樣,
有係生果。
其實唔止生果,
甜品我都未開始食(只係食左一杯雪樣)
實為一件憾事,
如果可以多一個、半個鐘就好喇。
順帶一提,
MK 同班學生立約,
有人出到外國比賽拿獎,
MK 會請大家食多餐。
唔係話我撥冷水,
以佢地返港隊訓練既態度,
睇黎都幾難。
願者上釣,
佢地仲差一 D Heart。
No comments:
Post a Comment