見到毓民

年初三，
約左班影友出黎，
不過唔係去影相，
係去 Cafe。

我地一人手執一部 PSP，
連線玩 MHP2nd，
間 Cafe 仲要係供應埋電源。
新年期間最低消費每人四十元，
包一杯野飲，
都叫幾抵。

叫左特飲，
佢 d 特飲全部用顏色命名，
甚麼「青青河邊草」呀咁，
我個杯叫唔知藍色乜乜，
好似飲藥水咁……
唔好飲既，
早知叫返 Coffee 好過……

間 Cafe 仲有電腦上網，
仲有漫畫睇，
的確係消磨時間既好去處。

到 Dinna Time，
老闆開始開大個冷氣。
（目的係乜？心照啦）

我地亦決定暫時撤退。
去左毓民牛肉麵食晚餐。

見到黃毓民坐係收銀，
而我地正正係收銀旁食，
所以都有同佢講幾句。

佢畀我既感覺係幾 Nice，
同以前係電台做節目既印象完全唔同。

無論對伙計定顧客，
都係客客氣氣的。