聯賽

今日係零七年第一屆新之聯賽埋單計數既日子，
亦都係聚餐日。
餘下未打既賽事只有三場，
所以都唔急去，
（其實係唔知醒）

五點幾去到現場，
發覺榜末形勢幾緊湊。
其中一場，
其中一方如果輸的話，
就會排尾三。
（新之聯賽排最尾那三個，
會有健康食品大獎勵……）
所以全場都為另一方打氣，
尤其是榜末份子（包括我）。

每當另一方攻擊成功之際，
簡直係全場歡呼！

聚餐七點半開始，
係油麻地教世軍，
食自助餐。
一百蚊位既價錢，
唔係預好多野食，
不過都比預期好。

有 BBQ 野食，
有沙津有熟食有碗仔翅，
仲出個魚生同生蠔各一次。
不過我兩次都拿唔到……

不過好快收，
又話可以食到十點，
八點幾就冇食物出，
之後仲開始收野……

不過咁大眾化既價錢，
又唔可以要求咁多既……

至於聯賽排名，
今次排第十，
逃過健康大獎。