等待

好憎個種等候發落既感覺，
尤其是係約佢，
佢話遲 d 覆，
結果就冇左影個 d，
究竟留唔留時間畀佢？

留既話，
最尾會話：
「都冇通知，即係取消 Lor。」

唔留既話，
最尾會話：
「我地唔係約左既咩？」

呢個事例，
剛剛發生冇耐。
話說艾力斯「想」約我睇戲，
問我邊日得閒，
答完佢之後，
佢話想想先。

星期六，
佢打電話黎，
問星期日係咪得閒睇戲。
好彩我冇再約人姐……
（其實係冇人約 ><）

但係睇幾點？
唔知，
佢話佢該晚「買」左飛 Call 我。

結果又係石沉大海。
昨日朝打畀我，
話佢咪買飛，
話朗豪坊冇得上，
之後上網 Check，
原來旺角百老滙有得上。
叫我去買飛……

到差唔多夠鐘，
因為佢有 Back Record 既關係，
我早十五分鐘打畀佢，
睇下佢係邊，
佢話係對面馬路。

其實原來係對面馬路既隔離個條街既對面馬路……