巧遇車神

個客話今朝一早黎睇 Demo，
約十點。
我準時十點返到公司，
（我有幾可準時呢？）

點知……
等到十一點個客先黎到，
十點黎唔到就唔好約十點啦……

結果一 Review 就睇到成兩點幾，
我個同事仲要趕去醫院探佢太太，
（佢太太剛剛昨日生左個仔）。
結果就我同事走先，
我殿後…

---

昨日坐的士入香港仔，
個司機真係好勁，
簡直要叫佢車神。
有部份路段，
雙手完完全全離開軚盤！

可能佢剛剛開工，
佢不斷將碎銀由散紙包，
搬往膠盒，
仲要分晒類，
一蚊放那格，
兩蚊放那格。
而搬既時候，
係左手持散紙包，
右手持碎銀，
冇手持軚盤。

大衛同學曾經話，
某人駕車好狼（定係其他形容詞）。
但始終一山還有一山高，
比起呢位的士司機，
真係小巫見大巫了…