私家醫院

私家醫院個然係私家醫院，
收費真係好貴。
前晚陪媽媽入院，
去到醫院大堂，
咁似銀行櫃台既……
交低野，
等叫名，
之後姑娘帶上房……

題外話，
係屋企附近坐巴士去，
落車個站大約係醫院對面，
站名係「XXX 醫院」；
反返向係公司附近坐巴士去，
接近醫院落車，
反而站名唔係「XXX 醫院」，
真攪笑。

講返間醫院，
樣樣都計錢。
三等房四百二十元一晚，
窗口位再加三十元，
仲要畀按金七千。
冇病人服提供，
但有睡衣賣。
冇膳食提供，
但可叫飯盒。

今朝媽媽打畀我，
話唔夠錢係身找數，
住左兩日埋單計數係兩萬幾三萬！
貴唔之得要收七千元按金。
媽媽唔夠錢係身，
佢有信用卡係身，
但碌爆左，
結果要坐車返屋企拿另一張信用卡。

雖然唔係畀唔起，
但私家醫院，
少不免都係咪攪喇。