竟然會執房

今朝返完崇拜，
就同左 阿婷、Annie 同 Murphy 去食午餐。
係 PC 附近原來有間食越南星馬野既餐廳，
平靚正。
下次等船長行完船返黎，
帶佢去食先。

今餐食左好多野，
焗青口、煙三文魚蒜蓉包、
咸魚炒時菜、生牛肉湯河、
一口粉卷、芋頭炒飯，
好飽好美味。

之後交收左部 Pocket PC，
部 Pockect PC 係一份聖誕禮物，
唔係好捨得賣走佢，
不過我係一個唔鍾意浪費既人，
如果要放件野係到唔用佢，
不如將佢賣畀有用既人。

之後去左打機，
不過因為好眼訓，
打左一陣就走左了。

返屋企途中，
行左幾個商場，
想買禮物，
不過都係冇咩心水，
實在太難選了。

返到屋企，
冇即刻訓。

結果執房。
個大紙箱面既垃圾清晒，
裡頭既漫畫成功移了去個膠箱內，
餘下既 AD&D 書，
要想辦法移去書架。

個碎紙機，
被我 Fill 滿左兩次，
我將 d 碎紙倒晒落膠袋預備丟棄。
媽媽放工返黎見到，
以為我買左好多食物返黎呢……