重寫日記

唔經唔覺，
原來成個幾兩個月冇寫日記。
昨晚被人催，
唯有復寫返。

原本打算有十一月二十三日開始，
一日寫幾篇黎追返 d 時間，
不過咁樣做，
咪會今日既日記就可能下幾個星期先寫，
可能會唔記得左發生咩事，
又有可能愈積愈多，
出年都未寫到。

有人提議我抹晒佢，
有二零零七年開始由頭黎過，
咁樣做都唔係好 Work，
因為唔多符合我既宗旨，
亦都有 d 虎頭蛇尾既感覺。

所以決定三線發展，
即係話，
今日既日記今日/翌日寫。
而同時再開一條戰線由十一月二十三日起追。
第三條戰線，
就係由昨日日記開始，
趁自己仲有 d 記憶，
寫返轉頭。

目標係每日寫五篇。
一篇係即日既，
兩篇係第二戰線既，
另兩篇係第三戰線既。

下限則係至少三篇，
每條戰線一篇。

希望係一月底前，
我可以將欠落既日記清還晒。

呢個可以算係我 07 年既第一個目標。