玩通頂

昨晚又通頂，
上兩次通頂係因為工作，
今次唔係喇，
係因為玩。

話說 MHP 那個 Game，
我地好多時都約出黎玩，
一般都係去旺角既 Cafe。
由晚上七點玩到十二點，
食埋晚餐，
消費約為每人五十蚊。
十蚊一個鐘，
都幾抵玩。

咁昨晚有個 Friend 話佢屋企得，
咁我地就轉移陣地，
去左佢屋企玩。

有四個由中午一點已經係 Cafe 打，
我上完堂，
黃昏去 Join 佢地，
有兩個唔得閒走先。
到八點半屋主於工，
我地就坐小巴落葵興。
食過晚飯，
我地就開始開戰喇。
到左一點幾，
仲有一個人黎，
我地順手 Break 一 Break，
落去買野飲。

之後返黎繼續打。
打到七點幾，
落去食早餐，
之後返屋企。

返到屋企，
沖埋個涼就訓覺。
咁今日好順理成章，
全日大覺訓。