投降

今日真係玩野外定向喇，
係大帽山扶輪公園。
新賽區新圖，
賽程長 6.6 公里，
攀升 500 米。

今日天氣凍，
有雨有霧。

一出發，
已經錯左九十度。
之後一號 Point 已經追到上一分鐘個參賽者。
不過之後上山，
被佢放甩。
沿住大斜路係咁上，
之後又畀我追得返。

玩到咁上下，
我迎面碰到班行山人士，
咦？咁熟口面既，
原來係童軍兄弟。
要解釋下佢地做緊乜，
因為都佔幾重戲份。

佢地行緊山，
由大帽山行落荃錦坳，
一路落山。

玩左一半，
要換圖，
我又要上山。
我再次迎面碰到班童軍兄弟。

繼續玩，
我又落返山，
又再次上山。
第三次迎面碰到班童軍兄弟，
亦即係我已繞左三個圈。

玩到三十三號 Points，
望一望錶，
已經超時，
淨返三個 Points，
又要再上山，
我體能應該負荷唔到，
所以棄權了。

---

夜晚去 Auntie Yip 個壽宴，
媽媽又話要攪，
六月十一日，
仲命令我唔可以離開香港。
（舊年我唔係香港）