麥當當生日會

今日入左大埔探我外甥女，
正如我姐係佢個女個 Blog 到寫，
唔知佢係咪唔鍾意婆婆，
抱親佢都係喊既。
但係其他人抱，
包括家姐姐夫既朋友，
其或是佢個舅父仔抱，
BB 都係冇喊既。

中午飲完茶之後，
去左前髮，
山長水遠去大埔剪髮都係第一次，
媽媽仲話下次再入理電髮……

剪短左 D 頭髮，
個髮形師仲係咁說我補返 D 顏色。
仲話幾個字就攪掂，
得唔得呀？
等上色都唔止啦，
結果我都係齋剪。

之後趕返出旺角參加生日會，
出席既全部都係機鋪識既。
我地慶祝生日既地方都幾別開生面，
就係麥記喇。

雖然全部都係大人，
但係都照玩遊戲。

第一個玩既係問答遊戲，
問 D 關於壽星仔既野，
算係熱身掛。

第二個係「世界之最」，
（明明係「收賣佬」）。
輸左個方要派個代表出黎唱歌，
佢唱既係：「滾滾長江東逝水，浪花淘盡英雄……」
真係估佢唔到。

之後玩「大電視」，
佢地痴線架，
例如謎底係「魚柳包」，
佢地會話：「以前一號餐。」
咁又做到……
今次輸左既係要被茄醬化妝。

大家似乎都係呢度拾回童真，
不過有部份人就玩到忘形，
有少少過左火位……