青龍大會

終於到了比賽日，
今天係青龍騰飛的決賽日。
大會請了日本第一的大都督榮斗來香港做嘉賓。

返完崇拜，
本來想去新之城再預備下，
落到去見到 Jimmy，
佢叫我過衛星，
原來榮斗係個邊打緊。
去到睇，
日本第一真係好勁，
砰砰砰砰又贏一場。

有一班玩家趁空檔找佢簽名影相，
榮斗亦冇架子咁一一做晒。
食過午飯後，
就等入場。
開幕儀式之後，
就先打附加賽。

頭先講講比賽場地，
係前金聲戲院一間仲裝修緊既機鋪舉行，
間機鋪係三樓玻璃幕場，
所以日間係好曬。
抽到第一場唔算太難應付，
結果亦一如以往，
領住打大半時間，
最尾幾秒又犯錯，
好彩都贏。

第二場對水銀，
個頭開得唔好，
結果慘敗出局。
之後就做左觀眾睇比賽喇。

結果億誠（即係之前初賽我大意輸的那位）得到香港冠軍。
夜晚一班工作人員去食火鍋，
之後返上衛星睇榮斗同 BunBun San 表演。

真係好勁好勁，
唔知今次既偷師，
會唔會令我實力更上一層樓呢？