熟識的酸痛

好耐冇試過有呢種酸痛了，
就係因為懶，
停了訓練。
其實酸痛係咩一回事呢？
就係乳酸積聚，
所以就會酸痛喇。

上星期重往健身室，
推左胸，
練了下背。
結果第二日就開始痛，
痛了大約成個星期，
就好似以前剛剛學做 Gym 個時一樣。

今晚又同艾力斯去做 Gym，
上次冇帶 Gym Card，
（其實有帶，要用個時我找唔到）
今次冇帶 Lock，
真係大頭蝦……

上次我發版做邊組運動，
今次調返轉由艾力斯話事。
今日主要做背，
不外乎都係 Row 呀，
High Row 咁，
Extensions 咁，
不過做做下又做埋 Pull Down。

今次練到好盡，
做到冇晒力，
對方會幫手做多幾下。

練完背做手，
因為拉背都有涉及二頭肌，
所以做手就做三頭肌。
三頭肌只做了一個動作，
之後就換衫走喇。

今次訓練質素強左，
唔知會唔會痛得耐 d 呢？