放飛機

今個星期真係運動周，
昨日去左做 Gym，
今日就去左打籃球。
原本我係冇打算去既，
不過艾力斯昨日問我幾時打波，
咁咁橋有 Friend 今日打，
咪叫埋佢 Lor。

佢地約七點半，
但我八點半先可以到。
去到唔見艾力斯，
咪打電話畀佢 lor。
唔打尤自可，
一打把幾火。

打到去佢話唔黎。
氣既唔係因為佢放飛機，
最主要係因為佢冇交帶。

唔黎可以一早打電話話我知，
點都冇理由等我打返畀你先話我知呀？

---

耐冇做運動既惡果，
就係好快冇氣。
再加上昨日做完 Gym，
一對手累到幾乎舉唔起。

打到十點半就收工走人。

---

早幾日通電話，
先知自己原來多左個弟弟。
因為「遠水不能救近火」呢個咁「行」既原因，
佢家姐就叫我多多照顧佢，
Well……