雷暴警告

今日係集訓隊 b 隊第一日 Training，
地點係青衣。
今年集訓團有 a、b 兩隊，
b 隊唔係話佢地弱 d，
而係年紀較小，
只係 Train 某幾個星期日。
而 a 隊呢，
就係 d 年紀較大（一般十六歲以上），
除了呢幾星期日外，
仲會逢周三出黎練跑。

今日原本約九點，
咁小弟一醒已經係八點半，
同時聽到收音機話雷暴警告已經生效。

安全最重要既大前提下，
立即打畀總教練，
跟住即刻出門口。

由佐敦到青衣，
以往我係坐 42A 既，
咁趕時間就轉坐地鐵啦。
不過地鐵都唔係快好多，
都要成個鐘，
只係比 42A 省了等車時間。

去到長宏，
仲係有雷暴警告，
集訓無奈地要取消。

結果介紹左每位教練，
分返邊個教練負責邊 d 學員，
簡介下集訓內容。

感覺上，
我個四個徒弟唔係個 d 過度活躍既。

當大部份教練都完成了分組時間之後，
仲有一位雞啄唔斷，
咪就係迪哥 LOR。
叫佢講下集訓內容同埋本紀錄簿點填，
佢就愈講愈遠。

訓練唔好帶竹呀，（人地下午要考先鋒工程……）
要用膠盒裝指南針呀。
結果全世界等佢收工，
真係激死……