股票

天氣又凍返了，
朝早都有廿七、八度攝氏，
夜晚得返廿度。

同老闆講左今日會完成份「使用者手冊」，
當然做完先走啦，
係做既時候，
發現左 D 係 Boundary Case 會 Fail 既 Bug，
當然同老闆 Report 啦，
亦即係話，
明天又要改 Program 喇。

傾完出黎成七點幾，
都係返唔切屋企換衫喇，
結果就上左商務一陣，
之後就返學。
好彩帶左書出黎，
不過就唔記得帶筆袋，
好彩都有支三合一筆傍身。


上完堂，
過銀行過錢畀媽媽，
不過唔記得媽媽個戶口號碼，
結果過唔到。
同毛理去左翠華食個好豪既晚餐，
結果係拿苦黎辛。
個 Main Course 係朱仔骨，
比牛仔骨難切好多，
仲要逐條骨食，
好彩個焗薯都幾多食。


食完飯，
媽媽打電話黎講返個戶口號碼畀我知，
我又要行返出去過數，
好凍喔。

講返點解過錢畀媽媽先，
因為媽媽幫我入左股票，
要找數。
但係好攪笑，
問媽媽有冇止蝕位，
佢又講唔出，
咁就我定啦，
不過呢……

如果未跌到止蝕位，
佢話佢見到會跌，
會賣，
咁都仲好正常。

不過如果跌穿左止蝕位，
佢又話蝕得多，
當然唔賣啦……

我當堂呆晒……