軟硬

今日真係好貴火，
原本約左人七點踢波，
結果我七點半先可以離開公司。
只係落左場十分鐘……

火既唔係因為要加班，
如果「真係」有野做，
我唔介意留晚些。
不過……

---

S 同 H 係唇亡齒寒既，
理應互相合作。
不過，
應該 H 負責既野，
好多時 H 未做好檢查，
就將個波 Pass 左畀 S。

Touchwood S 加工出問題時，
係 S 既野有問題，
定係 H 既野本身已經有問題呢？

當 S 以為係自己既問題，
花大量時間 Debug，
最後發覺問題源自 H，
白白繞圈浪費時間。

最唔忿氣既係，
就算 S 覺得係 H 既問題，
H 都要求 S 去「証明」。

如果 H 做好本份，
驗証過冇問題先交波，
咁 S 要提出提據都合理，
因為前題係假設 H 沒有犯錯。

但係當 H 原來冇驗証過，
要 S 去証明係咪有少少係度推卸肯任呢？