世界真係小小小………

今晚走時，
因為想快 d 返屋企，
所以上左架不時少坐既巴士 215x。

點解少上呢，
雖然架巴士好快出到油尖旺。
上車之後第一個站已經係九龍灣，
再下一個站已經係紅磡。
但係因為呢架巴士會經尖沙咀，
繁忙時間係會好塞既，
所以一般都唔會坐呢架巴士。

今晚走個時都大約十點幾十一點，
過晒繁忙時間，
自然可以坐呢架巴士。

又，
通常架巴士途經尖沙咀時，
大部份乘客都已經落車。
到我係尾二個站落車時，
通常都已經冇其他乘客。
但今日驚見有其他人，
而最驚訝既，
呢個人係識既。

原來阿 Sing 已經搬左去九龍站住，
呢個世界真係細。

---

今晚討論過點樣返屋企。
呢度要補充少少。
當初知道有呢個活動，
但唔知自己有冇份去時，
我已經開始兩手準備。
有份去時點樣走；
冇份去時又幾點到現場時等。

至於點解懷疑自己有冇份去，
係因為話晒唔係好熟。

所以既唔係同主人家熟唔熟，
而係同 d 賓客未必熟。
一陣同枱食飯，
但各自修行，
全晚不發一言就唔係幾好啦。