放水

今晚上日文堂，
老師畀考試貼士，
畀得好過份，
淨係溫貼士，
應該都有七、八十分。

唔應該話係貼士，
應該話係題目……

生字考十個，
以往係話第幾課考幾多個，
最盡都係畀二、三十個考十個。
今次係只畀十個，
邊個係漢字轉拼音，
邊個係拼音轉漢字都講埋。

文法出咩，
短答問乜，
全部講晒。

咁仲邊係考試 wor……

老師以為下個星期係考試，
叫我地加油。
但係仲有成三堂要上 Wor……

---

一段電話對答。

「你會唔會……」

「冇時間」

「唔會阻你好耐……」

「冇時間」

「真係唔會阻你好耐……」

就緊睇好似係 Sales Call 客咁，
其實係媽媽叫我落街食野……