日文名字

今朝醒起，今晚要默日文，
死，未溫，拿拿臨抄番三十次先。


返到公司成日都傻下傻下。
中午同女朋友仔講電話既時候更係呆晒，
佢講每一句我都花很多時間先聽得明佢講 d 咩，
但係佢其實都係緊普通既廣東話而已。


夜晚返到屋企，收到好多信，
大部份都係媽媽既，
其中一封係長途電話帳單，
唉，有排煩……


食完晚飯就去上堂，
仲派左上次份考試卷，
我既成績簡直慘不忍睹！
生字錯左唔在講，
犯左好多大意既錯誤。

例如聆聽其中一題聽電話號碼，
我係草稿係寫對的，但抄番過去時將個 "7" 寫成 "1"……


至於默書， ok 啦，錯少少。


仲有不可不提既就係從今日開始，
我有我既日文名喇，
今日先生畀左一個 list 我地揀日文名
我既日文名
平假名係：げんや
羅馬拼音係：GENYA
漢字係：玄也
加埋我個姓就係「何玄也」（笑…）