影相

好耐冇認認真真去影相，
今日同班影友去影相。
真係去拿部相機，
有晒目的咁專登去一個地方影相。

攝影的題材有好多，
有 d 人鍾意影女影人像，
有 d 人鍾意影風景，
有 d 人鍾意影花草蟲。
我呢？
影乜冇乜所謂，
我都係 Enjoy 影那個過程，
所以你可能見我影就影得多，
出相就少少咁，
其實係少到冇……

我 Enjoy 一個人無束縛咁去影，
我怕要人等我，
亦唔鍾意搶包山個種影法。

咩係搶包山呢，
就好似影會個 d 人像外影咁，
一個 Model，
六七個人六七部相機影。
構圖之餘，
仲要避開其他人既相機，
其他人既身體。

例如你辛辛苦苦找到個好位，
調較好晒光圈快門，
構埋圖 tim。
臨好快門個下，
你會見到隔離影友個頭入左鏡，
因為佢都找緊位……

講返影乜先，
今日去左沙螺灣打碟。
按左百多次快門，
影得清既都有既，
找日有時間 Post 返一兩張出黎先。