定向同樂日

今朝一早去左藍田公園，
上午有練習賽，
下午有同樂日。
上午個練習賽，
我以 Guest 既身份跑。
條 Course 唔係好長，
不過冇乜 Route Choice。
可以的話，
我都盡量走直線同入林，
少跑路。
奈何今日個地有 d 濕滑，
我個對又係平底鞋，
食唔實個地，
結果有 d 路段都係要跑返路。
時間係大約二十五分鐘，
比目標時間慢，
不過比真係比賽個班已經快一倍……

下午係同樂日，
有唔同既定向活動，
有混合式（先玩奪分式，再玩越野式）、
有星形定向、
有接力、仲有精確定向。

攪手原本以參加既多會係童軍級別，
但結果黎既多數係幼童軍級別，
換句話說，
d 活動對佢地黎講係過深既。

我負責既係混合式，
拍檔係曾 Sir。
基本上係輪流一人講解一次，
每次曾 Sir 講解，
我都好專心偷師，
活學活用。

少少題外話，
午飯時間同 d 童軍踢波，
我地領袖隊讓佢地一個，
四個打五個。
打左兩場，
第一場 2:0，
第二場 2:1。

第一場我開齋，
一個扭五個（我都扭得過，可想而知對面水準去到邊）。
尾場又係我埋齋，
中場一開波就射，
彈中守門員腳邊入。