打牌冇態

唔經唔覺又三月，
不過十二月 d 日記仲未補返，
有拖冇欠啦。

---

昨晚定向活動之後，
上左阿力到。
我地四個都好耐冇聚埋一齊喇。

阿力個外甥女開始識講野，
佢媽媽問佢邊個叔叔（?!）最靚仔，
結果得獎者係牛叔，
文叔同旦叔名落孫山。

上去既活動，
唔係打機就係打牌，
（昨日唔記得睇 EXAM ><）

講起打牌，
今次真係冇狀態。
走雞打錯牌乜都有，
一開牌第一隻牌已經少相公都試過，
仲有一炮雙響……

不過講狀態，
牛叔仲差過我，
四圈牌出沖過兩鋪十三么，
遙遙領先。
埋單計數，
以往都係做掌上壓，
今次直情一筆勾消。

因為牛叔要做四百幾下，
旦叔要做三百幾下，
文叔都好似要做二百下，
就算將個數除四，
都係做死人。

結果力舅父就話今次由佢喇……