祖國一日遊

今朝六點幾就要起身，
九點幾就要上到羅湖。
之後坐成個鐘車去大陸間廠到開會。

勁白痴，
關了屋企大門之後，
打算打鎖匙出黎鎖門啦，
點知唔記得帶鎖匙。
即刻打畀媽，
佢呢個時候先剛在赤臘角上巴士，
起碼成個鐘先返到。
我又趕住返大陸既情形下，
遠水不能救近火……
咩都唔理喇，
大不了咪今晚係街等天光。

今日上到去，
開左成日會，
不過我需要參與既，
一個鐘都唔夠。
都唔知要我上去既原因。

Anyway，
結果七點幾先走得。
又坐成個鐘車返羅湖，
之後火車、巴士，
差唔多九點半先返到佐敦。

媽將條鎖匙掛左係大門入面，
用條繩吊，
（咁都得，真大膽）
好不容易找到條鎖匙開門，
（媽話掛左係最左，其實係中間……）

食完飯，
係梳化就訓著左了。
準時十二點醒左，
開左電腦上左一陣網，
之後再訓過，
一訓就訓到第二朝八點幾。