「好人」

今日又有被拋棄既感覺，
好唔開心。
又或者，
我唔應該做所謂既「好人」……

講事講返係今日黃昏開始，
今晚有比賽，
地點係長沙灣，
我依然去做 Helper。
雖然叫做夜晚七點幾開始，
但對大部份工作人員黎講，
都係未食野既。

參賽者問題不大，
因為佢地可以趁未到佢地比賽既時間，
出去食完野返黎再打。
但對工作人員黎講，
因為 Keep 住有賽事，
唔行得開，
結果要等到十一點幾，
整個初賽完左先可以去食野。

好喇，
到比賽完左，
大伙去食飯之際，
發覺漏左幾個人。
咁有個所謂「好人」就話返去等埋佢地，
叫其他人拿位先。
「好人」問佢地去邊度食，
佢地話過對面，
好近而已。

到要等既人等到喇，
但十個人有九個話要趕尾班小巴返觀塘。
結果得返「好人」同另一個人，
但找極都找唔到「好近」個間野係邊。
打畀佢地，
原來佢地去左「旺角」食野。
咁因為餘下的一個人住附近，
所以唔去。
咁「好人」等左成半個鐘，
等咁耐，
為乜呢？