冇雙糧

今日有 d 唔開心，
原本呢一刻，
我應該係一架飛往紐約既航班上面，
繼續扮演花木蘭，
不過現在，唉……

---

今朝返工遲大到。
話說架小巴過左歐化，
見到有個警察揸住架電單車，
咁架小巴就駛左入橫街，
等左好耐先出返黎。
結果我就遲左半個鐘有多喇。

---

今日做 Document 做到成七點，
放工之後，
首先去左觀塘廣場，
買左 903 拉闊李克勤 x 容祖兒。
真係想起都興奮。
之後行玩具鋪，
差 d 就買多七隻 Pinky，
好彩我冇咁多現金姐。
之後坐車出旺角，
行左旺電格價，
之後個實惠買左把鋁梯，
以後追星就可以高人一等了，
呵呵呵。

返到屋企，
收到某人找到工作既好消息，
恭喜恭喜。
不過會唔會難拿假呢？

早兩年，
年尾總有份禮物，
就係年終雙糧，
又或姐花紅。
不過今年冇呢支歌仔唱 lu，
今日老闆出左通告，
話今年唔發雙糧，
希望唔駛減人工啦。
Moly 有成五萬 Bonus，
真係令人既羨且妒。